Sergio Troitiño conquista o bronce no Open de Holanda de taekwondo
Por Redacción
O taekwondista do Mat's de Marín Sergio Troitiño (-87kg) vén de acadar a medalla de bronce no Open de Holanda categoría sénior (G-1), que se disputou a pasada fin de semana en Eindhoven.
O prometedor deportista logrou subir ao podio despois de disputar tres combates. No primeiro enfrontouse a Suleymanov (Azerbaián), que foi o campión deste Open o pasado ano, ao que superou en tres asaltos. Nos cuartos de final o rival era Amer Ali (Dinamarca), prata o pasado ano, e o venceu en dous asaltos.
Sen embargo, na semifinal agardaba o número 1 mundial do peso, Icaro Martín Soares (Brasil). O galego deu a cara en todo momento, pero no primeiro asalto caeu 6-0 e no segundo asalto chegou ao final con 3-3 no marcador, que se inclinou a favor do brasileiro por rexistros. Aínda así, a experiencia e o resultado son moito máis que satisfactorios para o taekwondista marinense.
Acompañando a Troitiño, estivo a súa compañeira de equipo Arlet Ortiz (-57 kg) que caeu en cuartos de final nun axustado combate que se resolveu en tres asaltos contra a representante de Taipei. Antes, xa dera superado dúas roldas. Pola súa banda, Yadira Reimúndez (-57 kg, Mat's de Marín) e Adrián Pan (-74 kg, Mace Sport) foron capaces de vencer nun combate, pero caeron no segundo.
Relacionadas:
-
Ouro e dobrete de prata no Open de España da man de Segio Troitiño, Arlet Ortiz e Sara Cortegoso para o taekwondo pontevedrés
Por Redacción |
-
Adrián Pan, taekwondista do Mace Sport, proclámase campión de España universitario
Por Redacción |
-
Cinco medallas pontevedresas contribúen ao subcampionato de Galicia no nacional de taekwondo
Por Redacción |
-
Iván García e o seu club, o Mat's de Marín, premiados pola federación nacional de taekwondo
Por Redacción |
-
O Mat's de Marín triunfa no campionato galego de taekwondo
Por Redacción |
-
O taekwondo galego reúnese en Marín
Por Redacción |
-
A Deputación celebra os éxitos de Iván García e Sergio Troitiño
Por Almu Dapena |
-
Sergio Troitiño proclámase en Letonia campión de Europa júnior de taekwondo
Por Redacción |