A expulsión de Cacharrón, un quebradizo de cabeza para o Pontevedra
Por Alejandro Espiño
O Pontevedra perderá ao seu porteiro titular na fase decisiva da competición. A expulsión de Pablo Cacharrón nos minutos finais do partido contra o Raio Majadahonda supoñerá, previsiblemente, a súa ausencia durante varias semanas.
Na acta do partido, o colexiado Manuel Jesús Orellana Cid reflicte que o cérbero granate recibiu senllas tarxetas amarelas no minuto 87, tras o segundo gol do equipo madrileño.
Foi sancionado por dirixirse ao árbitro "a viva voz " dicíndolle que "la ibas a pitar, la ibas a pitar", motivo polo cal recibiu a primeira tarxeta. Tras ser amoestado, o porteiro encarouse de novo co colexiado e díxolle "eres malísimo".
Pero lonxe de quedar aí, o feito que marcará a sanción que recibirá Cacharrón ocorreu tras a súa expulsión.
Segundo reflectiu o colexiado na súa acta, o porteiro do Pontevedra dirixiuse cara a el "de forma agresiva" e tivo que ser suxeitado por varios compañeiros mentres lle gritaba, en varias ocasións, que "es un lercho".
O código disciplinario da Federación Española de Fútbol subliña que insultar, ofender ou dirixirse en termos ou actitudes inxuriosas ao árbitro sancionarase cunha suspensión que oscila entre os catro e os doce partidos.
Así, como mínimo, todo apunta que Pablo Cacharrón podería perderse o próximos catro partidos do Pontevedra, os que xogará en casa contra Córdoba e Mérida, así como os desprazamentos a Alcorcón e San Fernando.
Relacionadas:
-
Señor, ante as baixas en ataque fronte o Alcorcón: "Ao non ter un 9 puro iremos a pola vitoria con outras armas"
Por Redacción |
-
Samu Araújo e Yelko Pino xa traballan co grupo, do que caen Brais e Rufo
Por Manu Otero |
-
O xuíz disciplinario impón tres partidos de sanción a Pablo Cacharrón
Por Manu Otero |
-
O Pontevedra promociona o partido contra o Córdoba con entradas a metade de prezo para socios
Por Manu Otero |
-
Señor, tras a derrota en Majadahonda: "A idea de xogo saíu ben, o resultado non"
Por Almu Dapena |
-
O Rayo Majadahonda castiga a falta de acerto do Pontevedra (2-1)
Por Almu Dapena |