Álex Chan, o adeus dun xogador referente para o Cisne: "Isto non podía ser eterno e este ano toca despedirnos"
Por Diego Espiño & Mónica Patxot
Cando o Club Cisne Balonmán logrou en 2015 aquel lembrado e histórico ascenso á División de Honra Prata Álex Chan xa estaba alí, tras chegar anos antes á entidade despois de formarse no Teucro.
Pouco importou a súa procedencia, e pronto se converteu en "un referente desta xeración", recoñece o presidente cisneísta Santiago Picallo. Por ese motivo o seu adeus máis dunha década despois, con dous ascensos á Liga Asobal no seu palmarés, sendo o terceiro máximo goleador este curso da máxima categoría, e convertido en internacional coa Selección de Estados Unidos, foi un momento tremendamente emotivo.
Rodeado de moitos compañeiros de todos estes anos, familiares e amigos, Chan despediuse do Cisne nunha emotiva rolda de prensa celebrada este xoves no Hotel Galicia Palace. Queda un último partido co equipo, antes de emprender unha nova aventura no San Pablo Burgos da División de Honra Prata.
"Isto non podía ser eterno e este ano toca despedirnos, sabiamos o difícil que era a decisión para tomar, pero só cunha mirada e pode que no fondo contrario ao que che gustría ter dito dixéchesme con sinceridade, estamos moi orgullosos de ti", explicou o central pontevedrés en relación ao presidente do club.
"Non se se será a última vez que vista esta camiseta, pero se o é marcho tranquilo", asegura Chan, que agora pasa "a testemuña aos seguintes para que sigan mantendo os valores do club e empecen unha nova etapa sen compararse con ninguén, que o fagan á súa maneira e que acepten o reto como unha vez fixeron xogadores da casa, novos, non moi altos e non moi fortes aos que hoxe considero lendas".
Entre outros Chan agradeceu o apoio do seu pai, un José Manuel Chan, que formou a "xeracións e xeracións de xogadores, en especial a nosa, ensinándonos a intelixencia do balonmán, a competitividade e a confiar en nós mesmos e no noso traballo", a súa nai, a súa parella, directivos e colaboradores do Cisne e aos seus amigos: "Nunca gocei tanto como xogando convosco e tiramos uns doutros para conseguir o que nunca se podería conseguir nin en soños, porque era demasiado grande para soñalo", sinalou en referencia aos tres ascensos vividos nos últimos anos, un a Prata e dous a Asobal,
Pola súa banda Santiago Picallo defendeu que "desde o club agradecemos todo o esforzo que fixo, todo o que deu polo Cisne, todas as horas que se machucou adestrando, todas as veces que tivo que compaxinar estudos e exames coas viaxes", a ser un xogador referente polo seu rendemento sobre a pista pero tamén pola súa formación, ao compaxinalo cos seus estudos universitarios.
Relacionadas:
-
O Cisne xa ten folla de ruta en Prata, con estrea o 17 de setembro na casa fronte ao Unión Financeira Oviedo
Por Diego Espiño |
-
Dani Serrano renova co Cisne
Por Redacción |
-
Iván Calvo renova co Cisne cunha ilusión: "Volver ascender a Asobal"
Por Redacción |
-
Impulso ao balonmán feminino na comarca: Cisne e Poio Artai buscan xogadoras
Por Redacción |
-
Jabato dálle o si ao Cisne e volverá adestrar o equipo na División de Honra Prata
Por Diego Espiño |
-
Despedida amarga de Liga Asobal para un Cisne que non puido co Logroño (33-32)
Por Almu Dapena |
-
Javier Márquez despídese do Cisne: "Desgraciadamente non puido ser o que todos queriamos"
Por Diego Espiño & Mónica Patxot |
-
Se hai que descender, que sexa coa cabeza moi alta. O Cisne derrota o Guadalajara (28-27)
Por Ramiro Espiño |
-
Emotiva despedida de Carlos Álvarez como xogador do Cisne: "Será sempre o club da miña vida, o club do meu corazón"
Por Diego Espiño |
-
O gardameta Roney Franzini, cuarta peza do Cisne para a próxima tempada
Por Diego Espiño |
-
Javier Márquez e o Club Cisne separan os seus camiños tras o descenso a División de Honra Prata
Por Diego Espiño |
-
Gualther Furtado renova e apúntase ao proxecto do Cisne en Prata
Por Diego Espiño |
-
O cisneísta Álex Chan xogará a próxima tempada no Burgos
Por Manu Otero |