A apertura da Expo do ITU Multisport, paso previo ao comezo dos mundiais de tríatlon
Por Redacción & Mónica Patxot
A cada vez menos horas de que dea comezo o ITU Multisport de tríatlon, a cidade empeza a empaparse do gran evento deportivo do ano, visible en cada recuncho.
Os primeiros deportistas comezaron a chegar á Boa Vila para competir nos diferentes mundiais de tríatlon desde o vindeiro sábado 27 de abril, e como paso previo a organización abriu este mércores a Exposición do ITU Multisport.
Trátase dunha carpa instalada na Avenida Montero Ríos e que dará a benvida aos 3.961 deportistas de finalmente 52 países que chegarán a Pontevedra. Por alí pasarán todos eles estes días, xa que é o lugar da oficina de rexistro dos competidores.
Ademais atoparán varios postos de roupa deportiva, do voluntariado, de información turística e ata da próxima edición do Multisport, que se celebrará en 2020 en Holanda.
Como complemento, na carpa poden verse algúns dos trofeos máis prezados de Javier Gómez Noya nun museo habilitado por un dos seus patrocinadores, Banco Santander, ao que o campionísimo galego cedeu títulos mundiais en modalidade olímpica ou Ironman 70.3 e diverso material utilizado durante a súa carreira.
A Expo do ITU Multisport abrirá cada día ata o final dos campionatos en horario de 10:00 a 20:00 horas.
Relacionadas:
-
Malkeda pon o peche musical á primeira xornada do ITU Multisport
Por Redacción & Xan Xiadas |
-
Explosión multicor para dar o pistoletazo de saída á festa do tríatlon
Por Diego Espiño & Xan Xiadas |
-
O dúatlon abre fogo no ITU Multisport con máis de 1.200 participantes
Por Diego Espiño |
-
Para a ITU, Pontevedra "vai marcar un punto de inflexión" na organización do Multisport de tríatlon
Por Diego Espiño |
-
Ata 70.000 bebidas ao servizo dos deportistas durante o ITU Multisport
Por Redacción |
-
Conta atrás para os mundiais de tríatlon: así afectarán ao tráfico en Pontevedra
Por Redacción |