Pontevedra vibra nun multitudinario fin de festa do ITU: "Palabra que isto algún día se repetirá"
Por Redacción & Xan Xiadas
Nove días despois, chegou o momento de dicir adeus aos mundiais de tríatlon, o ITU Multisport Festival que encheu Pontevedra de deporte e actividade e que este sábado baixou o pano cun multitudinario fin de festa na praza de España. O fin de festa congregou a milleiros de persoas que acudiron á cerimonia de clausura e ao broche musical, que estivo a cargo de Doctor Queen.
Durante a cerimonia de clausura rendeuse homenaxe aos triatletas que se converteron en lendas neste ITU 2019, entre os que figuran varios pontevedreses: Javi Gómez Noya e Pablo Dapena son campión e subcampión do Campionato do Mundo de Tríatlon de Longa Distancia; Saleta Castro foi novena na proba feminina; e Manuel Cruces, un dos pioneiros do tríatlon na cidade, conseguiu a medalla de prata mundialista no seu grupo de idade (75-79).
Ademais, tomou a palabra o alcalde de Pontevedra, Miguel Anxo Fernández Lores, que, como anfitrión, deu as grazas en galego, español e inglés a todos os que fixeron posible o evento deportivo, ao tempo que deixou ver que este é só o inicio. "Hoxe podemos dicir que non temos límites, e iremos a por máis. Palabra que isto algún día se repetirá", destacou, mentres estaba presente no escenario tamén a presidenta da Deputación Provincial, Carmela Silva.
O colofón musical estivo a cargo de Dr Queen, banda tributo ao mítico grupo liderado por Freddy Mercury, que pechou esta semana chea de deporte, cultura e música.
Relacionadas:
-
A Junta de Extremadura premia a Pontevedra pola organización do mundial ITU Multisports de tríatlon do 2019
Por Redacción |
-
Os campións mundiais do ITU Multisport de Pontevedra manterán o seu título ata 2021
Por Diego Espiño |
-
Un ano despois de ser o centro de atención do tríatlon mundial
Por Diego Espiño |
-
O ITU Multisport de tríatlon, unha experiencia irrepetible para Pontevedra cun final de conto
Por Diego Espiño |
-
Un triatleta portugués que foi prata no ITU Multisport de Pontevedra dá positivo por dopaxe
Por Diego Espiño |
-
A ITU dálle "matrícula de honor" á organización dos Mundiais Multideporte de Pontevedra
Por Diego Espiño |
-
Gómez Noya queda ás portas do podio nas Series Mundiais de Yokohama
Por Redacción |
-
Pontevedra será candidata para acoller a final das Series Mundiais de tríatlon
Por Oskar Viéitez & Nacho Fuentes |
-
VÍDEO.- Pontevedra explota de xúbilo co ouro mundial de Gómez Noya e a prata de Pablo Dapena
Por Diego Espiño & Xan Xiadas |
-
Cristian Fernández e o incombustible Manuel Cruces, medallistas pontevedreses no Mundial de acuatlón
Por Diego Espiño & Xan Xiadas |
-
Claxxon anima a xornada de descanso dos Mundiais de tríatlon
Por Redacción & Xan Xiadas |