Cidadáns defende a creación de "un área lúdico deportivo" no río Lérez e Illa das Esculturas
Por Diego Espiño
Crear unha área lúdica-deportiva a beiras do río Lérez e na Illa das Esculturas é unha das propostas que defende Cidadáns Pontevedra no programa co que se presenta á alcaldía.
Así o explicou este martes a número dous da candidatura laranxa, María Rey, acompañada do presidente do club ABP Sport de Pontevedra, José Luis Santiago, nunha comparecencia na que presentaron os seus plans en materia deportiva á vez que criticaron "que los clubes siguen sin cobrar las subvenciones del 2016 y 2017", sinalou a candidata.
Rey entende que para crear esa área lúdica-deportiva "tampoco hace falta hacer grandes obras, simplemente dotar a esa zona de instalaciones para deportes fluviales y zonas de césped para el descanso y el ocio".
Cidadáns tamén propón habilitar unha área deportiva na Parda, crear parques para practicar 'parkour' e potenciar o deporte feminino, ademais de defender a gratuidade no uso das instalacións deportivas municipais aos clubs da cidade "porque se les dificulta la realización de sus actividades cuando tienen que pagar las instalaciones y por otro lado no se les pagan las subvenciones", criticou.
Pola súa banda José Manuel Santiago sinalou a necesidade do cambiar o baremos nas axudas municipais para que se valore con maior xustiza aos deportistas que fan competición, e engadiu que o seu club, o ABP Sport, sente "ignorado" polo Concello.
Relacionadas:
-
Crear unha "policía de barrio", proposta de Cidadáns para mellorar en seguridade
Por Redacción |
-
Goyo Revenga propón habilitar unha oficina de atención cidadá móbil que percorra o rural pontevedrés
Por Redacción |
-
Cidadáns pide "poner la tecnología que hace falta" para mellorar a depuradora dos Praceres sen ampliala
Por Diego Espiño |
-
"Sen transporte urbano Pontevedra está abocada a morrer por compracencia, inanición e falta de oportunidades"
Por Alejandro Espiño & Mónica Patxot |
-
Cidadáns propón catro parques caninos en Pontevedra
Por Redacción |