Marea Pontevedra festexa o centenario da chegada de Castelao á cidade
Por Redacción
Marea Pontevedra celebraba este venres 17 de maio, Día das Letras Galegas, os 100 anos da chegada de Castelao a Pontevedra. Con este motivo, integrantes da formación encabezados polo candidato á alcaldía Luís Rei daban lectura a textos do autor de Rianxo ante a entrada do Sexto Edifico do Museo Provincial.
Xaime Toxo, presidente do Ateneo de Pontevedra, foi o encargado da presentación desta lectura colectiva na que tamén interviron os números 2 e 3 da lista de Marea Pontevedra, Teresa Casal e Manuel Fontán, ademais doutros integrantes da candidatura.
Luís Rei recitaba o poema titulado 'Meu Pontevedra', destacando que se trata dunha mostra de cariño a aquel médico que nunca exerceu por amor á humanidade e afirmou que o Museo acolle con orgullo gran parte da obra de Alfonso Daniel Rodríguez Castelao, un espazo ao que o intelectual contribuíu sendo un dos tres integrantes do primeiro Patronato.
Marea Pontevedra desenvolverá este sábado 18, a partir das 20.00 horas, na Casa da Luz un acto sobre renda social, pensións e emprego, en que participarán Teresa Casal, Herminia Dios e Javier Pérez cunha tertulia con Xavier Pérez Davila, activista en defensa das pensións e Manuel Lago, deputado de En Marea.
Relacionadas:
-
Luís Rei anuncia que creará un viveiro de empresas agrarias e rurais no antigo colexio de Pío-Bora
Por Redacción |
-
Marea Pontevedra dálle cabazas ao BNG pola xestión do mercado de abastos
Por Nacho Fuentes & Anxo Lourido |
-
"Hai máis proximidade entre o goberno de Lores e o PP que entre o goberno de Lores e Marea Pontevedra"
Por Mónica Patxot & Anxo Lourido |
-
Marea Pontevedra creará un evento artístico anual para presumir da calidade da Facultade de Belas Artes
Por Redacción |
-
Marea Pontevedra e Prosagap queren que o Hospital Provincial manteña un uso sanitario
Por Redacción |
-
Luís Rei propón rescatar a autoestrada do Atlántico e paralizar as obras da A-57
Por Redacción |