Concerto da Orquestra Xove da Sinfónica de Galicia

Organizado pola Sociedade Filharmónica de Pontevedra e Afundación, Obra Social ABANCA, o vindeiro luns, día 21, ás 20:30 horas, no Auditorio Sede Afundación de Pontevedra, terá lugar un concerto que estará protagonizado pola Orquestra Xove da Sinfónica de Galicia.

Baixo a dirección do español de orixe venezolana José Luís Gómez, a Orquestra Xove da Sinfónica de Galicia ofrecerá unha primeira parte con tres obras breves: Aires xitanos, de Sarasate; Akbank Bunka, de Lindberg; e Beizos Vermelhos, de Pacho Flores.

A segunda parte ocuparaa a monumental Sinfonía núm. 5 de Dmitri Shostakovich.

Nas tres obras da primeira parte actuará como solista un dos máis aclamados trompetistas da actualidade, o venezolano Pacho Flores, formado no Sistema de Orquestras Infantís e Xuvenís de Venezuela.

As persoas interesadas en asistir a este concerto poderán retirar as entradas a través de ataquilla.com, mentres que a Sociedade Filharmónica de Pontevedra facilitará as entradas aos seus socios.

Auditorio Sede Afundación de Pontevedra