Este luns 19 de maio o Cineclube Pontevedra reprograma ABC da greve, o filme de Leon Hirszman que non puideron proxectar en abril por causa do apagamento.

'ABC da greve', dirixida por Leon Hirszman, 1979-1990, Brasil, 100 min., VOSE.

Documental que rexistra a primeira folga xeral do Brasil logo da implantación do Auto Institucional núm. 5 polo réxime militar. Na rexión do ABC paulista, o 13 de marzo de 1979 arredor de 180.000 obreiros do sector metalúrxico interrompen a produción conducidos polo sindicato, liderado entón por Luis Inácio "Lula" da Silva.

Filmado en 16 mm e baixo un sistema cooperativo, o filme recolle as imaxes do movemento obreiro das grandes fábricas automobilísticas e multinacionais na loita por mellores salarios e condicións de vida, e en plena construción da súa identidade política. O proxecto foi concluído postumamente entre 1989 e 1990, trala prematura morte de Hirszman, polo fotógrafo Adrian Cooper e co apoio da Cinemateca Brasileira.

Teatro Principal de Pontevedra

Máis eventos

Ver máis eventos