La Casa de los ingleses, banda pontevedresa de pop alternativo, volve tocar na súa cidade despois de dous anos.

A última vez fora na presentación do seu disco "Veinte minutos antes del fin del mundo".

Agora, o 16 de maio de 2025, regresan á casa para poñer un punto a esta etapa e abrir unha nova.

Nesta ocasión compartirán escenario con Antifrágil, banda viguesa que vén de lanzar o seu EP "Máscaras".

A súa proposta mestura rock alternativo con atmosferas intensas e letras cargadas de personalidade. 

Unha banda coa que La Casa de los Ingleses xa compartiu escenario noutras citas e coa que agora volven coincidir en Pontevedra.

O concerto será na Sala ZENNET. As portas abrirán ás 21:15 horas e os concertos comezarán ás 22:00 horas.

Será unha noite para escoitar unha escolma das cancións que máis goza a banda enriba do escenario, un repertorio feito coas súas favoritas de todos os discos… e tamén para descubrir en directo as novas propostas de Antifrágil.

Sala Zennet, Pontevedra

Máis eventos

Ver máis eventos