Relatorio 'Transición e Estatuto de Autonomía', do xurista Francisco Caamaño

O Ateneo de Pontevedra e o Servizo de Patrimonio Documental e Bibliográfico da Deputación de Pontevedra organizan o relatorio Transición e Estatuto de Autonomía. Tradicións e esixencias constitucionais do xurista Francisco Caamaño dentro do ciclo 90 anos do Estatuto.

O acto terá lugar este mércores 10 de xuño ás 19:00 horas no Edificio Castelao do Museo de Pontevedra.

A entrada é libre ata completar capacidade.

Francisco Caamaño. Ex-ministro de Xustiza. Xurista. Catedrático de Dereito Constitucional da Universidade da Coruña. Autor de “Democracia federal. Apuntes sobre España“, e de “O autogoberno de Galicia. Fundamentos e institucións”.

Sobre o ciclo 90 anos do Estatuto. En febreiro de 1936, o resultado das eleccións xerais en España, co triunfo da Fronte Popular, abriu a posibilidade de someter a plebiscito o Estatuto de Autonomía de Galicia que estivera redactándose case desde a chegada da República. Finalmente fixouse unha data, o 28 de xuño de 1936, e a aprobación de xeito masivo e mais o que veu despois é xa parte dunha historia do país que o Ateneo de Pontevedra trae a debate agora, noventa anos despois de que a sublevación militar e a vitoria do bando franquista na guerra civil anulase a entrada en vigor daquel Estatuto.

Edificio Castelao do Museo de Pontevedra