O poeta Jesús Castro Yáñez presenta o seu novo libro 'Outroutro'

O poeta Jesús Castro Yáñez presenta o seu novo libro 'Outroutro' (Editorial Chan da Pólvora) na libraría Paz acompañado de Branca Trigo.

Jesús Castro Yáñez quería que Outroutro fose textura máis que texto. Quería un libro cos mínimos vínculos persoais, un libro asociativo que estivese fóra do autor e fóra do propio libro, pero dentro do mundo.

Deste xeito, Outroutro constrúese cunha mirada que se desliza sobre feitos cotiáns como se fosen constelacións de significado comunal. Os feitos máis sinxelos, o silencio, a acción inmóbil ou a modestia dos instantes íntimos úsanse na poesía de Castro Yáñez para crear unha poderosa conciencia poética, máis fascinante a medida que imos descubrindo a marabillosa estrutura especular do libro.

Libraría Paz