A Plataforma de Afectados pola Autovía A-57 en Bora e Xeve organiza este sábado un obradoiro de estampación.

Trátase dunha actividade dirixida a nenosa partir de tres anos e levará a cabo na antiga escola de Bora.

O obxectivo é que os máis pequenos adquiran destrezas na arte da estampación e gocen cos recursos naturais que ofrece o medio rural á infancia. Ademais de crear coas súas propias mans, utilizarán follas e elementos vexetais para as súas composicións.

A sesión de manualidades estará guiada polas monitoras Eva do Roxo, Sal Higgins e Hannah Johnson que ensinarán aos nenos a arte da estampación e "demostrarán o seu compromiso e o seu amor pola natureza".

É unha actividade gratuíta na liña da loita do colectivo que leva 23 anos defendendo ás parroquias fronte ao trazado da autovía A-57.

Os nenos deberán estar acompañados polo menos por un adulto durante toda a actividade. Ofreceranse filloas e merenda aos participantes despois do taller.

Antiga escola de Bora, Pontevedra

Máis eventos

Ver máis eventos