O Ateneo de Pontevedra organiza un relatorio arredor do libro 'Ojos de Palestina' (tercera parte), de Anan Abdalah, editado pola editorial Círculo Rojo.

O autor estará acompañado por Tania García Sanmartín, tenente de alcalde de Vilagarcía. 

A entrada é libre ata completar capacidade.

'Ojos de Palestina' é unha aproximación histórica, persoal e sentimental á historia do pobo palestino e Palestina.

Trátase dunha feroz pero documentada crítica a quen, por acción ou por omisión, ocasionaron ou permitiron o sufrimento do pobo palestino na súa propia terra durante longos anos e ata os nosos días. E é tamén unha mostra de solidariedade coas vítimas dunha inxustiza deliberada e sistemática. 

Anan Abdalah naceu en Nablus, localidade ao norte de Xerusalén, en 1954. Alí realizou os seus estudos primarios e preuniversitarios, trasladándose a España en 1972, definitivamente. Estudou Medicina na Universidade de Santiago de Compostela e doutorouse en Estomatoloxía pola Universidade UCMMA en República Dominicana. Exerceu a medicina tanto na área pública como na privada durante 33 anos en España. 

Edificio Administrativo da Xunta, na rúa Benito Corbal

Máis eventos

Ver máis eventos