O Liceo Casino de Pontevedra mantén aberta até o vindeiro luns 21 de abril unha mostra de arte solidaria a beneficio da Fundación Vicente Ferrer.
Coordinado por Antón Sobral e comisariada por Mito Meijón, a exposición reúne máis de 30 artistas comprometidos cunha causa solidaria, a educación inclusiva no sur de India.
As persoas interesades nesta mestura de arte e solidariedade aínda teñen unha fin de semana por diante para visitala e adquirir algunha das pezas aínda dispoñibles.
Varias das pezas desta exposición, de gran calidade artística e interese, están aínda á venda. Os organizadores destacan que é, por tanto, unha "oportunidade de apoiar un proxecto solidario" e tamén de "levar unha obra única a casa".
A recadación desta iniciativa solidaria irá destinada integramente ao programa de educación inclusiva que a Fundación Vicente Ferrer desenvolve no estado indio de Andhra Pradesh, onde nenos e nenas con e sen discapacidade conviven e aprenden xuntos nunha contorna adaptada, diverso e igualitario.
Trátase dun modelo educativo pioneiro que combate a exclusión e a discriminación desde a raíz, apostando por unha sociedade máis xusta desde a infancia.
Esta mostra impulsada polo Grupo Ronsel baixo o liderado de Donatienne Theytaz inaugurouse o pasado 1 de abril no Liceo Casino de Pontevedra.