A Real Federación Española de Fútbol deu a coñecer este venres o calendario de competición da Segunda División B para a tempada 2018/2019.
O Pontevedra Club de Fútbol xa coñece pois o camiño que lle espera na liga, que se iniciará o 26 de agosto e finalizará na súa fase regular o 19 de maio.
Fóra da casa estrearanse os granates, xa que o seu primeiro rival será o Unionistas de Salamanca a domicilio, mentres que o primeiro en visitar Pasarón será un dos candidatos ao ascenso, a Cultural Leonesa, o 2 de setembro.
Navalcarnero fóra e Valladolid B na casa serán os seguintes compromisos no calendario.
En canto ao final da liga, estará marcado polos filiais, xa que nas tres últimas xornadas o Pontevedra enfrontarase a Las Palmas Atlético (fóra), Atlético de Madrid B (casa) e Real Madrid Castilla (fóra).
Consulta aquí o calendario completo do Grupo I da Segunda División B 2018/2019.