Grande estrea para o piragüismo pontevedrés no Campionato de Europa Sprint que se celebra en Munich, Alemaña.
O primeiro dos representantes da armada pontevedresa en entrar en competición, Adrián Sieiro (Piragüismo Poio Pescamar), fíxoo cun resultado inmellorable para lograr o pase directo ás finais do próximo domingo 21 de agosto.
Sieiro e o seu compañeiro no C-2 500 metros, o balear Joan Antoni Moreno, foron os máis rápidos da súa semifinal cun tempo de 1:46.572 gañándose un posto na loita polas medallas.
Superaron á tripulación húngara e á italiana deixando boas sensacións.
O Europeo Sprint continuará este venres co resto de eliminatorias, nas que estará presente Antía Jácome (EP Ciudad de Pontevedra) no C-1 e C-2 200 metros.