O ano 2024 estrearase de maneira especial para o pontevedrés Alejandro Muñiz Ruiz, representante do CTA Pontevedra na Primeira División.
Ademais de poder lucir por primeira vez a insignia de árbitro internacional FIFA, recentemente outorgada polo organismo internacional, Muñiz Ruiz estreará o ano derrubando a última barreira que quedaba a nivel nacional, a de dirixir un encontro no Estadio Santiago Bernabeu e ao Real Madrid.
O conxunto da capital era o único da actual Primeira División, exceptuando ao Celta ao estar excluído como equipo galego, co que aínda non se tiña cruzado nas súas tres tempadas e 46 encontros na máxima categoría.
En concreto Alejandro Muñiz foi designado para arbitrar este mércores 3 de xaneiro o choque entre o Real Madrid e o Real Mallorca (19.15 horas), correspondente á xornada 19 de liga, encontro no que estará asistido desde o VAR por Javier Iglesias Villanueva.
Ata a data nos seus 46 partidos en Primeira División o equipo ao que máis veces arbitrou o pontevedrés é ao Rayo Vallecano (8 veces), seguido de Getafe (7), Osasuna (7), Mallorca (7) e Cádiz (7). Ademais dirixiu en catro ocasiones o Barcelona ou en dous o Atlético de Madrid.
ÁRBITROS | Estos son los colegiados designados para la jornada de la Temporada 2023/24 en PrimeraDivisión.
— RFEF (@rfef) January 1, 2024
Designaciones completas: https://t.co/TE734bFwaw#ArbitrajeRFEF | @CTARFEF pic.twitter.com/1amjp4FmwH