O Club Cisne Balonmán pechou, este venres, a renovación doutro dos seus xogadores máis veteranos. Andrés Sánchez, máximo goleador do equipo (120 tantos en 29 partidos) e décimo noveno de Honra Prata, formará parte, un ano máis, do cadro dirixido por Jabato.
O lateral pontevedrés, que está a piques de sumar máis de dez anos nas filas cisneístas, asegurou tras asinar a renovación que "é un pracer poder axudar a este club para crecer ano tras ano. Prevese unha tempada histórica, así que esperemos estar á altura".
Así, Andrés Sánchez pasa a aumentar a lista de xogadores que compoñerán o equipo a próxima tempada: Alejandro Conde, Álex Chan, Javi Vázquez, David Chapela, Dani Ramos e Pablo Gayoso.