A terceira edición da Volta a nado Illa de Tambo-Concello de Poio inicia a súa conta atrás coa apertura de inscricións este venres 15 de marzo.
Os deportistas interesados en anotarse poderán facelo a partir das 10.00 horas na páxina web www.championchipnorte.com.
A travesía a nado celebrarase o domingo día 28 de xullo, coa posibilidade de completar 6 quilómetros, 4,5 quilómetros ou unha opción curta de tan só 1 quilómetro.
Tanto a saída como a chegada estará situada na Praza da Chousa de Combarro.
O obxectivo da organización é poder contar na proba con máis de 300 nadadores nacionais e estranxeiros, consolidándose como un dos granes eventos deportivos do ano en Poio.
A Volta a nado Illa de Tambo está organizada polo Concello de Poio e a empresa Atlantic Extreme Sports.