A semana arrinca para o Club Cisne Balonmán cunha renovación máis pensando no novo proxecto deportivo do club na División de Honra Prata.
Trátase de Daniel Ramos, que aos seus 19 anos afrontará a terceira campaña na entidade pontevedresa, á que chegou procedente do FC Barcelona.
O pivote silledense, home importante nos esquemas de Jabato, valorou a posibilidade que lle ofrece o Cisne de continuar cos seus estudos mentres xoga ao máximo nivel.
"Estou encantado de renovar un ano máis. Isto permíteme seguir cos meus estudos e seguir crecendo como xogador", sinalou Ramos en declaracións difundidas polo club.
Ademais de Daniel Ramos, o Cisne 2019/2020 ten como nomes confirmados polo momento a Pablo Gayoso, Álex Chan e Alejandro Conde, todos eles reconvados, e ao fichado David Chapela.