Unha xanela internacional máis especial que nunca para o Poio Pescamar.
O conxunto conserveiro estará moi pendente do dobre amigable que as seleccións absolutas de España e Portugal protagonizarán os días 7 e 8 de outubro en Vilalba e As Pontes.
Até cinco futbolistas vermellas foron citadas para o compromiso internacional, co Mundial xa ao virar a esquina.
Por unha banda a Selección Española convocou á gardameta Elena González, a Ale de Paz e a Martita.
O Poio Pescamar será desta forma o equipo, xunto ao Atlético Navalcarnero, que máis futbolistas achega ao combinado nacional.
Pero é que ademais, en fronte, haberá dobre representación conserveira con Portugal.
A selección lusa contará para este dobre compromiso en terras galegas con Carolina Pedreira e Débora Lavrador.
Antes do compromiso das seleccións, o Poio Pescamar xogará aínda un partido de liga coa visita este sábado 4 de outubro á pista do Futsal Alcantarilla.