Satisfacción no Club Natación Galaico polos resultados conseguidos polos seus nadaores na fase territorial da Copa de España de Segunda División, celebrada durante a fin de semana en Lugo.
A entidade pontevedresa acudía á cita co seu equipo absoluto masculino, e logrou unha meritoria terceira posición confirmando a súa progresión (as últimas tempadas pelexaba no quinto lugar) cun resultado que cualifica de "espectacular".
O CN Portamiña de Lugo foi o campión da xornada con 1.408,50 puntos, seguido do CN Pabellón Ourense (1.252,50) e do CN Galaico (1.155 puntos).
Desde o club pontevedrés destacan o rendemento de varios dos seus nadadores, como o infantil Lois Chan (infantil) ou de Iker Pérez e Xabier Aguiar tamén ao bater varios récords do Galaico.
En concreto Lois Chan logrou dúas mellores marcas galegas (MMG) de 14 anos, nos 200 libre (1:57.51) e os 200 estilos (2:14.36).
Pola súa banda Xabi Aguilar rebaixou tres marcas de club (200 costas, 100 e 200 bolboreta) e Iker Pérez logrouno no 50 libre.
Tamén fixou un novo récord do Galaico a remuda 4x50 composto por Olivier Rocha, Daniel Sánchez, Xabier Aguilar e Iker Pérez.
Tras esta cita o Club Natación Galaico empeza a mirar xa cara á Copa de España de Primeira División, que organizará en Rías do Sur do 19 ao 21 de decembro coa participación do seu equipo absoluto feminino.