A Real Federación Española de Fútbol deu a coñecer este martes a configuración da xornada 20 de liga en Primeira RFEF, fixando data e hora para todos os seus encontros.
Para o Pontevedra será o seu terceiro partido do ano 2026, tras a visita a Pasarón do Racing de Ferrol (3 de xaneiro) e o desprazamento ao campo do Real Avilés (sábado 10).
Será en concreto o duelo no Estadio Municipal de Pasarón fronte ao Club Deportivo Arenteiro.
Este partido fixouse para o sábado 17 de xaneiro ás 16.15 horas, a franxa horaria na que máis competiron os granates esta campaña.
📺 𝗛𝗢𝗥𝗔𝗥𝗜𝗢𝗦 𝗬 𝗧𝗘𝗟𝗘𝗩𝗜𝗦𝗜𝗢𝗡𝗘𝗦 | 𝗝𝗢𝗥𝗡𝗔𝗗𝗔 𝟮𝟬 #PrimeraFederación | #VersusELearning pic.twitter.com/NpdfF0xuc1
— Primera Federación Versus e-Learning (@Primera_RFEF) December 30, 2025
O choque non estará incluído na canle lineal das principais palataformas audiovisuais, pero poderá seguirse a través de LaLiga+ e FC Play, ademais de pola segunda canle da Televisión de Galicia.
O Arenteiro, que xa visitou Pasarón en pretemporada (2-0), ocupa actualmente o posto 15 da táboa, o primeiro que suporía a permanencia na categoría, con 19 puntos, polos 27 que acumula o Pontevedra.