Un dos xogadores máis veteranos da SD Teucro, David García Pichel, non seguirá no club. Tras catro tempadas no equipo, abandona a disciplina teucrista.
O lateral de Carballo chegou a Pontevedra no verán de 2013 procedente do Ademar León e foi un home importante nos dous ascensos á liga Asobal que viviu como xogador azul.
Desde a SD Teucro móstranse moi agradecidos polo seu traballo e encantados por poder contar durante estas catro tempadas cun xogador como el.
"Pichel deunos moito nestes tres anos que eu levo dirixindo ao Teucro e desde logo foi un xogador importantísimo nos dous ascensos a Asobal. A súa forza e a súa potencia de lanzamento viñéronnos moi ben", explicou o adestrador, Quique Domínguez.
Esta tempada, na que Pichel arrastrou molestias físicas durante varios momentos do ano, o lateral de Carballo acabou metendo 95 goles.
O técnico pontevedrés engadiu que David García Pichel "foi un xogador exemplar no día a día e un grandísimo compañeiro para o resto dos compoñentes do equipo. As circunstancias fan que agora salga do club, pero el e eu sabemos que as portas quedan abertas de pao a pao".