Roelio, a mascota do Pontevedra Club de Fútbol, volve acaparar minutos nos medios de comunicación ao ser protagonista no programa La Resistencia, da canle televisiva #0 en Movistar+.
O espazo de humor que dirixe David Broncano aludiu durante toda esta semana ao 'óso' que representa ao 'Hai que roelo', burlándose da súa "supuesta fealdad".
Así, esa expresión usada polo xornalista Álex Dávila no Faro de Vigo, serviu de novo ao popular humorista para "trolear" á mascota granate.
"¿Cómo que supuesta? Claro porque en Nuremberg se juzgaron supuestos crimenes contra la humanidad, ¿no? Esto es lo menos supuesto que he visto en mi vida", explicou no seu monólogo o presentador de La Resistencia.
Ademais, Broncano sinalou á publicidade de ENCE que levaba a antiga versión da mascota na súa camiseta, aludindo ás acusacións sobre a pasteira de contaminación da ría.
"Roelio si lo que quieres es anunciar algo que haya perjudicado la salud de los gallegos no te cortes", explicou David Broncano mentres na camiseta do Pontevedra aparecía a palabra 'cocaína'.