O Comité de Competición da Real Federación Españoa de Balonmán fixou a data para o duelo aprazado no seu día entre San José Obrero e Sociedad Deportiva Teucro.
O encontro, correspondente á segunda xornada de Primeira Nacional, foi suspendido a finais de setembro pola alerta meteorolóxica decretada en Canarias e que desaconsellaba o desprazamento dos pontevedreses.
Agora, tras semanas de espera, o Lirón-Teucro xa sabe que deberá deslpazarse a Lanzarote en plena Ponte da constitución, xa que o choque foi fixado finalmente para o vindeiro martes 6 de decembro ás 12.00 horas (hora canaria) no Pavillón Municipal de Titerroy.
Así aparece xa reflectido na páxina web da Real Federación Española de Balonmán.
Actualmente o Club San José Obrero ocupa a terceira posición do campionato con 8 puntos, polos 2 que suma o Teucro tras o seu irregular inicio de tempada.