Os colexiados e asistentes galegos de Primeira e Segunda División, 1ª RFEF, 2ª RFEF e Primeira División Feminina realizaron os días 1 e 8 de febreiro as probas físicas de metade de tempada no campo de fútbol de Chaian, en Trazo.
Alí atopábanse as principais figuras da arbitraxe pontevedresa, ao decidir a Real Federación Española de Fútbol que por motivos sanitarios fosen os comités territoriais os encargados de realizar os controis.
Á cabeza de todos eles figuraba Alejandro Muñiz Ruiz, único colexiado galego en Primeira División e que vive esta campaña a súa estrea na elite, dirixindo xa ata a data 12 encontros, así como o seu asistente Diego Sánchez Rojo.
Ademais polo CTA de Pontevedra compareceron Alberto Gómez Lameiro e Daniel Pastoriza Iglesias, árbitros de 1ª RFEF, e Álvaro Juncal Moreira, da 2ª RFEF.
Todos os presentes superaron o exame físico, consistente en 6 sprints repetidos de 40 metros e a proba de resistencia Yo-Yo, mentres os asistentes completaron 5 sprints repetidos de 30 metros e a proba de resistencia ARIET.
Outros árbitros presentes foron de Segunda División o colexiado Javier Iglesias Villanueva e os asistentes Fabián Blanco Rodríguez, Adrián Díaz González, Ricardo Landrove Lago, Enrique Ramos Ferreiros e Abraham Pérez Dapia; da Primeira División Feminina Elena Casal Fernández, Beatriz Cuesta Arribas, Eugenia Gil Soriano e Zulema González González e as asistentes Tania Fente Pena, Iria Rosendo González, Lorena Novas Benavides e Maribel Serrano García; de 1ª RFEF os asistentes David Fernández Blanco, Brais García Valín, Gonzalo Gómez Lemos e Cristian Vázquez Martínez; e de 2ª RFEF os principais Alfonso Alcalá Rey, José Antonio Fernández Rodríguez, Miguel Ferrol Muñiz, Javier Figueiredo Comesaña, Alexandre López Vila e Gabriel Quintairos Rial e os asistentes Alberto Blanco Méndez, Tania Fente Pena, Diego Fernández Fernández, Adrián López Bermúdez, Rubén Reborido Rodríguez e Rubén Vázquez Penas.