Pontevedra B e Unión Grove confórmanse cun xusto empate (1-1) na Xunqueira

Pontevedra
08 de abril 2013

As táboas achegan os dous equipos, empatados na clasificación con 38 puntos, á permanencia. Os goles foron obra de Jandro no Unión e Pedro nos granates

Un punto non soluciona os problemas de Pontevedra B e Grove pero achega a ambos os dous ao obxectivo da permanencia un ano máis na Rexional Preferente, un sentimento que se trasladou ao terreo de xogo da Xunqueira nunha xusta repartición de puntos entre os dous equipos (1-1).

Adiantouse o Unión Grove no minuto 20 por mediación de Jandro, pero Pedro puxo as táboas pouco despois para o filial granate no minuto 34.

A pesar de que os dous equipos tiveron algunha opción na segunda metade o electrónico xa non se moveu certificando unha igualdade que se traslada á clasificación, onde ambos os dous conxuntos quedan con 38 puntos.

PONTEVEDRA CF B (1): Edu Sousa, Uru, Bruno, Alves (Chicho, min.45), Collazo, Héctor, Pedro (Pacheco, min.67), Víctor (Patrick, min.90), Paco (David Eirín, min.67), Diego, Pibe.

USD O GROVE (1): Jose, Iago Nogueira, Miguel (Muelles, min.70), Anxo, Borja, Ameixeiro, (Mateo, min.72), Jandro (Alexis, min.70), Iván, Félix, Álex, Turu (Iago, min.59).

Árbitro: Soage Fernández (Pontevedra). Amoestou aos visitantes Álex, Miguel e Iago Nogueira. Expulsou por vermello directo ao segundo adestrador do Unión Grove, Miguel Mascato.

Goles: 0-1 Jandro, min.20; 1-1 Pedro, min.34.

Incidencias: Partido disputado no campo da Xunqueira, Pontevedra.