Primeiro partido a domicilio da tempada para o Pontevedra Club de Fútbol e primeira convocatoria da Marea Granate.
O club lerezano lanzouse a organizar unha viaxe en autobús para que os seus xogadores non estean sós no seu primeiro desprazamento de Primeira RFEF, no que se enfrontarán á Ponferradina o sábado 6 de setembro ás 19:00 horas.
A viaxe inclúe o transporte e a entrada ao partido por un prezo de 45 euros, mentres que a entrada solta para quen desexen acudir de forma independente custará 15 euros. Os menores de 7 anos entrarán de forma gratuíta.
A saída do autobús está programada para as 10:00 horas do sábado desde o Pavillón Municipal dos Deportes, con regreso tras a finalización do encontro.
As inscricións para a viaxe poden formalizarse nas oficinas do Estadio Municipal de Pasarón ata o vindeiro martes ás 18:00 horas, sendo necesario alcanzar un mínimo de 45 afeccionados para que o desprazamento se realice.
Ponferrada on tour? 🔜🚌 https://t.co/4PBuQol2jK
— Pontevedra CF 🦴 (PontevedraCFSAD) August 31, 2025