deportes

O Pontevedra-Eibar de Copa do Rei xogarase o mércores 3 de decembro

Pontevedra
12 de novembro 2025
Diego Espiño

A Real Federación Española de Fútbol confirmou os horarios e televisións nacionais dos partidos de segunda rolda da Copa do Rei, entre eles o que enfrontará a Pontevedra e Eibar

Partido de Copa do Rei entre Pontevedra e Mallorca en Pasarón
Partido de Copa do Rei entre Pontevedra e Mallorca en Pasarón / Cristina Saiz

Xa hai día e hora para os partidos de segunda rolda da Copa do Rei.

A Real Federación Española de Fútbol confirmou os horarios e televisións nacionais que emitirán os partidos da segunda eliminatoria, entre os que está o do Pontevedra fronte á SD Eibar, equipo da Segunda División.

Este esperado encontro disputarase finalmente o mércores 3 de decembro ás 21.00 horas no Estadio Municipal de Pasarón.

O choque entre granates e armeiros non contará con televisión nacional, a falta de coñecer si a Televisión de Galicia aposta por ofrecelo.

Para o Pontevedra, a Copa do Rei chegará despois da xornada 14 de liga en Primeira RFEF, coa visita do CD Guadalajara a Pasarón o sábado 29 de novembro ás 18.30 horas.

Aínda non se coñece o horario da seguinte xornada, posterior á eliminatoria copeira, na que os granates xogarán no campo do RC Celta Fortuna.

Máis novidades