Agora si o plantel do Pontevedra está pechado, tras a chegada de Álvaro Queijeiro en calidade de cedido por unha tempada.
O futbolista, propiedade do Real Club Deportivo de La coruña, presentouse este martes coa súa nova camisola, a granate, asegurando que "el Pontevedra siempre fue mi primera opción", a pesar de contar con máis ofertas tras realizar a pretempada co primeiro equipo herculino.
Queijeiro, que se define como "un mediocentro al que le gusta tener la pelota" entende que "por club, ciudad y afición es el sitio ideal para que pueda seguir creciendo", explicou.
En canto ao resto de compañeiros e as posibilidades que lle ve ao equipo, que define como "competitivo, luchador y trabajador", a última fichaxe granate opina que "no vamos a tener problema para conseguir el objetivo fundamental de mantener al equipo en la categoría".
Todo apunta a que o centrocampista galego entrará na convocatoria para o partido deste mércores de Copa do Rei en Guijuelo, no que podería dispoñer dos seus primeiros minutos se Luisito o considera oportuno. Por se iso sucede, Queijeiro afirma chegar con ritmo tras estar a adestrar co Deportivo ata o pasado sábado.