Águeda Cons foi a mellor noticia para o Club Natación Galaico no Campionato de España de Piscina Curta disputado durante a fin de semana en Sabadell.
A nadadora pontevedresa confirmouse como unha das grandes promesas da natación nacional cunha brillante actuación.
Se o venres inaugurou a competición cun ouro no 1.500 libre en categoría absoluta, a deportista do Galaico pechou este domingo a súa presenza no Nacional de Inverno cunha segunda medalla, nesta caso de prata nos 800 libre.
Águeda asinou un tempo de 8:26.61, só superada por Jimena Pérez (8:24.90) e por diante de Catalina Corró, que foi terceira (8:33.72).
Na mesma proba Paula Goyanes concluíu na posición 13 (8:45.56) e Lara Gómez na 19 (8:52.49).
Ademais na última xornada do Campionato de España Bea Gómez foi décimo terceira nos 100 braza (1:11.82), Clara Otero acabou no posto 41 dos 100 libre (58.99) e Daniel Sánchez no 24 das 100 costas (57.42).