O rugby pontevedrés viviu a pasada fin de semana unha xornada festiva organizada polo Mareantes RCP.
O evento xuntou a clubs de toda Galicia e ao histórico CR Arquitectura de Madrid, co que gardan unha estreita relación baseada na figura de Felipe Blanco, ex-xogador de ambas as dúas entidades e internacional coa Selección Española, o XV do León, en decenas de ocasións.
Blanco foi homenaxeado como 'Lenda Albinegra'.
Durante a xornada participaron máis de 100 xogadores de entre 12 e 16 anos, con partidos que servían de preparación para o inminente inicio das diferentes ligas.
O día concluíu co tradicional terceiro tempo, no que ademais de obsequios homenaxeouse a un emocionado Felipe Blanco, emprazando o Mareantes para devolver a visita a terras madrileñas.