Todos os días ata o venres o 'Bule Bule polas Prazas' animará o centro da cidade con espectáculos itinerantes que percorrerán as rúas con diversas montaxes destinadas a público familiar.
Esta proposta da programación do Son da Rúa, previa ao comezo das Festas da Peregrina do sábado 7, ofrece sorpresas con disfraces, música, danza, humor e numerosas sensacións.
Se as condicións meteorolóxicas o permiten a programación que este martes tiña como protagonistas a Pablo Méndez coa Fraga Máxica e La Fam coa súa Motorpunk continuará este mércores 4 con Rivel e un baile con debuxos animados a partir das 20.00 horas e Brincadeira coa Danza da Rúa desde as 21.00 horas.
O xoves será a quenda de Scura Producións con Corral Kaos e Troula Animacións, que presentarán Fanky Party. O venres 6 pecharase este ciclo coas actuacións de Bambolea e Barafunda que presentarán 'Doces' e 'Festa Trival', respectivamente.