As brigadas de limpeza e desinfección do Concello de Marín mantéñense activas con actuacións nos espazos públicos co obxectivo de garantir a seguridade nas rúas e nos establecementos máis utilizados do municipio.
Co inicio da desescalada, estas limpezas intensifícanse en todo o termo municipal, como a que se desenvolveu hoxe no lugar de Pedreiras, levada a cabo por unha empresa contratada polo Concello para reforzar estes labores.
Nos próximos días os operarios desprazaranse polo resto de núcleos do municipio marinense.