A Escola Naval Militar está preparada para participar na Operación Balmis, que constitúe a contribución das forzas armadas para preservar a seguridade e benestar dos cidadáns e apoiar ás forzas e corpos de seguridade do Estado, institucións e administracións nas medidas de prevención do COVID-19 e mitigar o impacto social, sanitario e económico.
En concreto, a Escola Naval pode achegar á Operación Balmis unha residencia de 50 habitacións con aseos incorporados, unha enfermería e dúas ambulancias. Ademais, conta con espazo e aloxamento (ata 112 persoas) para apoio ao despregamento doutras unidades das Forzas Armadas.
Para contribuír á contención da pandemia toda a dotación e alumnos da escola atópanse nos seus domicilios particulares.
A actividade docente presencial suspendeuse e os alumnos e profesores continúan os cursos de maneira non presencial grazas ás redes informáticas do Ministerio de Defensa e da Universidade de Vigo.
A BRILAT AMPLÍA O RADIO DE OPERACIÓNS
Continuando coa Operación Balmis a BRILAT despregará unidades nas localidades de Lugo, Santiago de Compostela, Avilés e Valladolid.
As unidades actuarán co obxectivo de recoñecer as zonas máis conflitivas, infraestruturas críticas e establecer unha ligazón sólida e eficaz con autoridades locais e forzas e corpos de seguridade para facilitar os seus labores de presenza e vixilancia diante de posibles incumprimentos das medidas establecidas polo estado de alarma nas zonas de especial risco para o contaxio.