Na recta final da vendima, a subzona do Salnés recolleu algo máis de 27 millóns de quilos de uva, segundo os datos do Consello Regulador que informou que xa foron colleitados 41,6 millóns de quilos en toda a Denominación de Orixe Rías Baixas.
A vendima confirmou as expectativas marcadas ao comezo no Informe de Estimación de Colleita 2024, presentado polo Órgano de Control e Certificación.
O Departamento Técnico do Consello Regulador está a pleno funcionamento para controlar a orixe e a calidade das uvas autóctonas que entran nas adegas. Para iso conta con 23 veedores/auditores.
A presente campaña conta con 177 adegas rexistradas. A superficie desta Denominación de Orixe é de 4.636 hectáreas repartidas en 23.735 parcelas, que son atendidas por 4.994viticultores.