Adif instalará puntos de recarga de vehículos eléctricos nas estacións de Pontevedra e Vilagarcía.
Adif, acrónimo de Administrador de Infraestruturas Ferroviarias, é unha entidade pública empresarial española dependente do Ministerio de Transportes, Movilidad e Axenda Urbana que ten como obxectivo a construción de liñas de ferrocarril e a xestión da súa explotación.
Nesta ocasión anuncia a a instalación de máis de 1.000 puntos de recarga de vehículos eléctricos con enerxía xerada por fontes renovables nos aparcamentos de 80 estacións de viaxeiros en toda España.
A compañía adxudicou a subministración, a instalación, a operación e o mantemento destes puntos de recarga por un importe de 18,3 millóns de euros e un prazo de execución de 30 meses; destes, 24 meses, corresponden á fase de operación e mantemento.
A empresa que se encargará deste servizo é Repsol Comercial de Produtos Petrolíferos.
Esta actuación conta con financiamento europeo a través do “Plan de Recuperación, Transformación e Resiliencia’, financiado pola Unión Europea-NextGenerationEU.