A choiva, o vento que soprou por momentos e a baixada das temperaturas non impediron este sábado que o barrio da Parda vestísese de primavera.
A Festa da Primavera, organizada pola Asociación de Profesionais e Pequenas Empresas da Parda (APEP), celebrouse este sábado no Parque Damián.
Ofreceu lecer para todas as idades en forma de inchables, xogos, música en directo e food trucks, á vez que axudou a dinamizar o comercio do barrio.
Tras a actuación musical do alumnado do Conservatorio Profesional de Música (CMUS) o vés, este sábado a xornada comezou ao mediodía con xogos tradicionais e un escape-room.
Xa pola tarde, empezou a tomar forma un mural colaborativo de primavera e houbo inchables, un unicornio mecánico, pintacaras e contacontos en inglés para o público infantil.
O colofón púxoo a música de DJ Universe mentres os veciños e visitantes gozaban dos seus food trucks cunha variada oferta gastronómica e a animación de Os Chispas do Lérez.