Como cada primeiro domingo de setembro a parroquia vilanovesa de San Miguel de Deiro celebra as súas festas en honra a San Roque do Monte.
Un dos reclamos desta festa é a centenaria Carreira de Burras que se celebrou este luns.
Nesta nova edición participaron 12 animais, sendo "Dinamita" a burra gañadora nas dúas categorías, feminina e masculina.
Os xinetes Alicia Gil e Francisco Patiño foron os primeiros en entrar na meta a lombos de "Dinamita".
A maior parte dos animais participantes pertencen á Asociación do Burro Fariñeiro (Abufa), que leva anos tratando de evitar a súa desaparición.
A competición xerou gran expectación no circuíto que rodea ao campo da festa, nas inmediacións da capela de San Roque do Monte.