A psicóloga xurídica, sexóloga e criminóloga especializada en igualdade de xénero Mónica Novas Dios protagonizará o próximo venres 14 de febreiro, día de San Valentín, unha charla-café na que dará as claves de 'Como evitar as relacións tóxicas'.
A concellería de Igualdade e Benestar organiza este coloquio, que se celebrará ás 19.30 horas na Casa da Luz e terá entrada de balde previa inscrición.
Todas aquelas persoas que queiran inscribirse poderán facelo de xeito totalmente gratuíto a través da dirección de correo electrónico [email protected] ou do teléfono 682 66 05 80.
Entre as cuestións que se abordarán na charla inclúese as definicións de relación tóxica e relación sa, as claves para identificar unha relación tóxica e as causas que nos levan a entablalas e a mantelas. Achegaranse ferramentas para poñer fin a unha relación tóxica e os propios participantes plantexaranse a pregunta de se eles mesmos son ou se comportan como persoas tóxicas.
Mónica Novas Dios ten 15 anos de experiencia en Psicoloxía Clínica e formación contra a violencia de xénero. Colaborou en diversas campañas e programas de sensibilización, información e concienciación impulsadas dende a Concellería de Igualdade.