Un ciclista resultou ferido este domingo nun accidente de tráfico cun turismo no lugar de Refoxos, na parroquia de Corbillón.
O ciclista, de 46 anos e veciño de Cambados, foi evacuado ao Hospital do Salnés para recibir asistencia médica.
Segundo a información facilitada polo Servizo de Emerxencias de Cambados, presentaba dor cervical, lumbar e erosións.
En canto ao condutor do turismo, non quixo recibir asistencia sanitaria.
Na intervención participaron, ademais de Emerxencias de Cambados, a Garda Civil de Trafico e unha ambulancia do 061.
