GALÁUREA é unha empresa pioneira en servizos asistenciais de axuda a domicilio en Galicia, dende a súa fundación no ano 2005.
Cun enfoque centrado na autonomía e o benestar integral das persoas en situación de dependencia, a empresa con sede na cidade de Pontevedra, converteuse nun referente no sector.
Marta Blanco Marbán, directora xeral de GALÁUREA, explícanos a importancia de contar con profesionais cualificados e como o seu equipo se esforza por mellorar a calidade de vida de cada persoa usuaria a través de plans de atención individualizados.
- Que servizos ofrece GALÁUREA ás persoas que requiren asistencia domiciliaria?
GALÁUREA ofrece unha ampla gama de servizos de axuda no domicilio, que inclúen atención persoal como aseo e hixiene, mobilizacións, administración de medicación, tarefas domésticas como limpeza e preparación de comidas, así como acompañamento a citas médicas, entre outras. O noso obxectivo é proporcionar un plan de atención personalizado e integral, que se adapte ás necesidades de cada persoa. Ademais, xestionamos axudas económicas sociais e asesoramos na tramitación da Lei de Dependencia.
- Que papel xoga o acompañamento social nos servizos que brindan?
O acompañamento social é fundamental para mellorar a calidade de vida dos nosos usuarios. Non só se trata de cubrir necesidades básicas, senón de fomentar a interacción social e o benestar emocional, axudando ás persoas a manter conexións coa súa contorna.
Por iso, abarcamos todas as áreas de atención dentro e fóra do domicilio. Dende estimulación cognitiva e física ata acompañamento en paseos, conversación, xestións no banco ou a barbería, por poñer uns exemplos. Ademais, dada a ampla experiencia adquirida no sector social, estamos en disposición de dar apoio en temas tan sensibles como a reeducación de hábitos perdidos.
-Por que é importante que unha empresa como GALÁUREA estea acreditada?
Contar cunha empresa acreditada garante que se cumpren os estándares de calidade e normativas vixentes no ámbito dos servizos sociais. Isto non só asegura unha atención axeitada, senón que tamén brinda tranquilidade ás familias de que os seus seres queridos están en mans competentes e capacitadas.
É moi importante ter a seguridade de tratar con empresas que cumpren a normativa social vixente.
Estamos inscritos no Rexistro Único de Entidades Prestadoras de Servizos Sociais da Xunta de Galicia (número de inscrición E-1976), o que nos permite operar con total transparencia e confianza.
-Como se asegura unha empresa que trata problemáticas tan sensibles de que o seu persoal estea debidamente capacitado?
En GALÁUREA, cremos na formación continua. O noso equipo de profesionais recibe formación regular para actualizar os seus coñecementos e habilidades, asegurando que poidan ofrecer o mellor coidado posible.
Todos os nosos traballadores cumpren cos rigorosos requisitos establecidos pola Xunta de Galicia e, periodicamente, realizamos auditorías de calidade para avaliar o desempeño dos nosos servizos.
Podo afirmar que o noso equipo é o noso maior activo, xa que non só se trata de cumprir funcións, senón de ter a sensibilidade e o compromiso necesarios para acompañar a persoas en situacións delicadas.
-Que impacto ten a atención domiciliaria na vida das persoas maiores ou en situación de dependencia?
A atención domiciliaria permite ás persoas maiores e dependentes manter a súa autonomía e calidade de vida no seu propio fogar. Cremos que cada individuo é único e que a súa atención debe adaptarse ás súas necesidades específicas.
Por iso, cada caso é avaliado minuciosamente para deseñar un plan de atención adaptado ás necesidades específicas da persoa. Queremos que os nosos usuarios se sintan cómodos e seguros no seu fogar, promovendo a súa independencia e dignidade.
-Podería compartir algún exemplo de como este traballo mellorou a vida dos usuarios?
Na nosa web recollemos algúns testemuños dos nosos clientes, que calquera pode consultar. Moitos deles son de familiares que destacan como o apoio dos nosos profesionais permitiu aos seus seres queridos recuperar hábitos que crían perdidos, mellorar o seu estado de ánimo e mesmo facilitar a súa integración social. Estas boas reseñas reafírmannos en que estamos a seguir o camiño correcto, afágannos e tamén nos emocionan, como non.
-Cal é a filosofía que guía a GALÁUREA no seu labor diario?
A nosa filosofía baséase no respecto e a dignidade de cada persoa. Cremos firmemente que o fogar é o mellor lugar para vivir e que cada individuo merece recibir atención da máis alta calidade. Traballamos para elevar a profesión de asistencia domiciliaria e facer que os nosos usuarios se sintan escoitados e valorados.
-Que distingue a GALÁUREA e convértea en referente no sector?
O noso enfoque na atención personalizada e o compromiso coa formación continua do noso equipo son aspectos que nos distinguen.
Ademais, fomos galardoados co Premio Igualdade GEMCAT. Este premio, que recibimos en 2019, é un recoñecemento ao noso compromiso coa igualdade de oportunidades e a conciliación laboral.
Tamén dende Cruz Vermella recibimos o recoñecemento pola colaboración e esforzo na integración sociolaboral das persoas participantes no plan de emprego laboral ao longo de varios anos.
-Que retos enfronta actualmente a empresa e como planean superalos?
Un dos maiores retos é a crecente demanda de servizos debido ao envellecemento da poboación. Para enfrontalo, seguimos ampliando o noso equipo de profesionais e mellorando os nosos procesos internos para garantir que poidamos manter a calidade que nos caracteriza.
-Para finalizar, que mensaxe lle gustaría transmitir ás familias que consideran utilizar os vosos servizos?
Diríalles que non dubiden en buscar axuda profesional. A atención domiciliaria pode marcar unha gran diferenza na vida dos seus seres queridos. En GALÁUREA estamos aquí para ofrecer apoio, porque o seu benestar é a nosa prioridade.
Cando se fai necesario xestionar dependencia é prioritario o asesoramento profesional e, neste sentido, GALÁUREA está ao día nas normativas sociais e nos programas públicos dos diferentes organismos. Apoiamos, informamos e facemos seguimento da solicitude de valoración de dependencia e discapacidade.
Poden contactarnos a través do noso teléfono (886 207 613) ou páxina web: https://galaurea.é/contacto/.