A maxia dos Reis Magos xa empezou a vivirse en Caldas de Reis.
Antes da súa xornada máis especial, Melchor, Gaspar e Baltasar protagonizaron unha animada xornada percorrendo as diferentes parroquias.
Fixérono montados en vehículos históricos convertibles decorados con motivos do Nadal.
Pasaron ao longo da tarde por Santa María, Arcos, Bemil, Carracedo, Godos, Saiar, San Clemente e Santo André, parando en cada centro social para repartir caramelos e recoller as últimas cartas dos nenos.
Todo un aperitivo para a gran cabalgata prevista para este luns 5 de xaneiro.
Os Reis Meigos ten previsto desfilar polas rúas do centro urbano de Caldas a partir das 17.00 horas.
As súas carrozas sairán do Paseo Román López e pasarán pola Prazuela, García Baión, Constitución, Campo da Torre e Rúa Real, até chegar á carpa das Palmeiras.
Polo camiño teñen previsto repartir até 800 quilos de caramelos sen gluten nin alérxenos.
