Este luns tivo lugar unha nova reunión de traballo das obras de Avenida de Ourense para comprobar o avance das obras do novo colector xeral, e a reposición da zona de aparcadoiro.
Participaron os concelleiros Manuel Santos e Marián Sanmartín, e o técnico municipal, ademais dos representantes da empresa, dirección de obra, Augas de Galicia e Ministerio de Fomento.
Os representantes de Copcisa, a empresa adxudicataria, aseguraron que a obra vai a bo ritmo, aínda que por parte do Concello, solicitouse mais celeridade.
Os técnicos sinalaron que, polo de agora, a rede de saneamento antiga ten que seguir funcionando, así como os servizos que se dan ao porto.
A día de hoxe están abertas gabias a 4 metros de profundidade. Están a aplicarse todas as medidas de seguridade necesarias para poder traballar nestes tramos de obra.