Os populares convocaron a todo o sector da hostalaría pontevedresa a un encontro no que presentaralles a súa moción para a elaboración dunha nova ordenanza de terrazas e veladores, e recoller así todas as achegas e suxestións que sobre a mesma desexen realizar.
A cita será este luns 16 de xaneiro, ás 17:00 horas, na segunda planta do edificio do Casino Mercantil e Industrial, sito na rúa de Curros Enríquez.
A formación que encabeza Jacobo Moreira insiste en que "a actual ordenanza está caduca polo que é preciso a elaboración dunha nova normativa que se adecúe ás demandas actuais do sector e da cidade".
"O BNG realizou cambios importantes na cidade e estes cambios deben vir acompañados dunha nova regulación que garanta os dereitos e deberes de todos os pontevedreses", apuntou o edil popular.
A moción que se debaterá no vindeiro Pleno municipal propón a elaboración dunha nova normativa de veladores e terrazas que se axuste "á realidade do século XXI e que integre aspectos que era impensable ter en conta en 1997".
A cita do vindeiro luns espera alcanzar un "alto grado de consenso sobre as directrices que se marcarán na nova ordenanza".