Un centro de depilación da avenida de Vigo quedou totalmente pelado na madrugada do mércores ao xoves. Os ladróns arrasaron con todas as máquinas especializadas das que dispoñen, se ben deixaron o resto do mobiliario intacto. Os responsables valoran o importe do botín nuns 48.000 euros.
O establecemento afectado é 'No+Vello', situado xusto ao lado da ponte da avenida de Vigo e veciños e comerciantes da zona relatarno que os ladróns foron tan cautelosos que mesmo evitaron ser vistos polos responsables e clientes do bar situado xusto en fronte, que do mércoles ao xoves pechou arredor das 2.00 horas da madrugada.
Fontes próximas ao caso relataron que o roubo tivo que cometerse entre as 21.00 horas do mércores e as 9.50 horas do xoves, entre a hora do peche do negocio e a apertura deste ao día seguinte. Cando os traballadores chegaron pola mañá encontráronse con que o fecho estaba forzado, pero a porta non estaba rota nin o establecemento revolto.
No local foran subtraídos dúas máquinas especializadas en fotodepilación valoradas en 21.949 euros cada unha, tres maletíns con material valorados en 1.170 euros cada un e uns 700 euros en metálico que había na caixa. O botín total ascende a uns 48.000 euros.
Fontes consultadas indicaron que o roubo non puido realizalo unha soa persoa e que tiveron que utilizar algún vehículo, pois as dúas máquinas subtraídas miden 1,40 metros de alto e 0,40 de ancho. Ademais, actuaron con cautela, pois forzaron o fecho sen deixar pegadas aparentes e tan só se llevaro os obxectos de maior valor, deixándose atrás outros como un microondas, unha cafeteira ou un equipo de música.
Segundo denunciou a responsable do negocio, a porta deste está blindada e o local carece de alarma ou cámaras de seguridade. Nos dous últimos días permaneceu pechado e todos os seus clientes tiveron que ser avisados para cancelar as súas citas á espera de que as máquinas subtraídas sexan repostas.
O roubo foi denunciado na Comisaría da Policía Nacional e desprazáronse ata o establecemento axentes do equipo de Policía Científica. Abriuse unha investigación policial para tratar de localizar os seus responsables.