A Universidade Nacional de Educación a Distancia (UNED) en Pontevedra, a través do programa de Extensión Universitaria que coordina Rafael Cotelo Pazos, pon en marcha un Obradoiro de Poesía.
Trátase dunha actividade dirixida todas as persoas interesadas en explorar e profundar na linguaxe poética desde unha perspectiva persoal e creativa, afirma o centro universitario.
Desenvolverase desde o 26 de xaneiro até o 11 de maio con posibilidade de participación tanto presencial en UNED Pontevedra como online.
Dirixido por Sara Núñez de la Fuente, profesora da Facultade de Educación da UNED, o taller de poesía está deseñado para que os participantes busquen e desenvolvan a súa propia voz poética.
Traballarase a escritura, lectura, corrección e reflexión sobre textos poéticos, con especial atención á relación entre emoción e linguaxe
A metodoloxía combina sesións en directo vía Microsoft Teams coa posibilidade de acceder ás gravacións en diferido.
O programa contempla unha serie de encontros semanais que tratarán temas como o 'estado prepoético' e a xeración da linguaxe creativa; rima, métrica e evolución das formas poéticas; poesía e cotidianidad: conexións entre vida e escritura; e poesía e compromiso: diálogos entre expresión e realidade.
A matrícula pode formalizarse en liña.