O Concello de Soutomaior aprobou este martes en Xunta de Goberno as axudas aos deportistas individuais do concello.
Foron un total de 30 as axudas que se concederon a deportistas na modalidade de adultos e infantil por un importe final de 8.443 euros.
Coa aprobación destas axudas o concello busca fomentar a actividade física e o desenvolvemento do talento deportivo na localidade.
Unhas axudas que recaen en deportes como o kickboxing, o piragüismo, a natación, o motocross, o atletismo ou a ximnasia acrobática.
Ademais, a Xunta de Goberno Local, tamén ratificou o convenio anual coa Banda de Música de Arcade, que ascende a 40.000 euros.
